Tempo ta duna un contesta na tur cos. Un di e preocupacionnan grandi cu a worde presenta den e columna aki tabata, e falta di atencion pa loke ta pasa awor den Gobierno y e forma con un instancia manera Algemene Rekenkamer, a ocupa su mes cu relatonan anual bieu, mientras tabata tin asistencia Hulandes pa haci e trabau ey, mientras den conversacion personal a mustrami cu no tabata tin tempo pa control di loke tabata pasa ora nos a topa otro.

Mester tabata Booshi, cu a pone e yate di autoridad penal zink! Y tur esaki mientras Aruba no tabata sa mes, cu Booshi tambe tabata den e lachi di Theresa y su trahadornan, cu cuidadosamente a percura pa ni Nilo, ni Rudy, ni Ramon, ni Marisol, ni Nel, no zink. Kende por a kere cu for di 2003, Booshi tabata den e lachi di Theresa, te cu Mos tambe a haya su mes ta manda cartanan pa Booshi, cu sikiera por a pidi Mimi, lague huur e tent cu cualkier instancia pa e haye e 500 Florin di but, cu cariñosamente tabata pidie paga.

Saludos na Hendrik na Antartica y regala Booshi 500 Florin!

Persecucion Penal a bira partido politico?

Esun cu hunga cu candela, ta kima su man! No tin otro palabra pa contesta e ultimo comunicado di Ministerio Publico, cu ta haci parce manera ta e caso Fondo Nobo so ta manda tur señal na comunidad, cu tin algo completamente robez den persecucion penal na Aruba.

Si hopi cos a bay perdi den mundo moderno, ta pasobra a entrega respet. Antes comunidad tabata tin reglanan cu tabata pone cu esun cu no sa kico ta respet, ta worde rechaza. Aki no ta papia di discriminacion di ningun tipo pero si di e base di comportacion, cu ta respet pa bo mes, pa hende, pa comunidad, pa funcion. Pa falta di respet awe mundo a bira un lugar, caminda hende drechi ta puntra nan mes si ta otro planeta nan mester busca pa move ariba pasobra un grupito, cu ta kere cu ta sushedad mester domina y ta reduci normanan mundial na nada, cu actonan violento, mentira, abuso y sinvergonzura, ta kere cu nan por trapa riba tur loke ta drechi den bida.

18 di Maart, nos dia nacional e aña aki a worde fiesta den un ambiente diferente. Diferente pa motibo di e tensionnan reinante den nos comunidad. Terquedad di parti di nos gobernantenan a provoca empleadonan di Gobierno pa sigui nan lucha pa indexering mientras cu e fecha di dia 18 tabata acercando. Y como si fuera poco abogado di gobierno, mr. Hendrik Croes a nenga orden policial, dal e agente en cuestion cu auto y sigui core. Na lugar cu nos gobernantenan demonstra liderazgo real y abstene nan mes  di cualquier comentario pa laga Ministerio Publico haci su trabao, tanto Ministro Presidente  como Ministro di Husticia a busca manera pa troce e berdad pa laga parse como si fuera ta Hendrik lo tabata e victima. “No ta importa mi kico ta bay pasa”, ta un declaracion di sr. Nel Oduber  cu nos mester rechaza categoricamente. Ta con ta posibel cu Prome Ministro di un pais, e persona encarga cu seguridad nacional, ta menaza via radio cu anarchismo. Su colega di Husticia, sr. Rudy Croes, ta insinua cu “cosnan grandi ta bay pasa” si no laga su ruman den libertad. Con ta posibel cu Aruba tin e mala suerte di tin gobernantenan asina? Hendenan cu ora presion coi nan curpa, nan ta desespera y haci saltonan mortal. Saltonan cu ta fomenta anarchismo djis pasobra un di nan a worde deteni pa husticia.
  

Rudy Lampe, awor e hora a yega pa bo demostra cu bo ta completamente honesto cu Pueblo!

“Ta un ex Ministro e homber ta.” Cu cuanto precaucion, no a atende e caso di Hendrik Croes cu tabata un simpel hit and run, uno di e formanan di criminalidad mas detesta pasobra no tin interes pa loke a pasa cu hende? Si ta un incidente, pakico Hendrik no a bay e promer warda di Polis y splica nan kico a pasa cune?

No! Hendrik a prepara pa subi avion y bay cu vakantie. Polis no por a yega detene Hendrik, pero tabata tin mester di Fiscal pa haya prueba di parti di dos persona huramenta, kico a socede.

Manera mi a menciona den e articulo anterior tocante e definición di Síndrome Asperger,
esaki tambe ta wordo considera como un trastorno di autismo pa locual nan ta denomine den hopi ocasion como autista cu un rendimento halto.