Na momento cu el a haci su entrada na Aruba hopi aña pasa, mi a adkeri gran respet pe. El a duna un aporte enorme na e rescate di Aruba. El a demostra su capacidad , cu el a haya man liber pa usa na interes di e pais, cu mester a lanta para atrobe. Por ta cu edad a subi. Mi ta papia di mi edad, pues.

Ora a bira un hecho cu cartanan pa Hulanda pa interveni den e situacion na Aruba no a duna resultado, DIARIO a bay Parlamento Europeo y Corte Europeo. DIARIO a haci uso di e hecho cu Hulanda no ta un pais riba su mes mas, pero cu Hulanda ta pertenece na Union Europeo, cu ta pone exigencia y demandanan pa su miembronan.

Na diferente ocasion den e ultimo simannan aki, situacion tabata parce favorabel pa un ola tropical por a mustra cu e temporada di horcan a yega. Pero cada bez, nan tabata pasa djis pa Noord of pa Zuid di Aruba, cu tabata sufri di calor. Antayera pronosticadornan di tempo a haya e confirmacion cu e ola tropical, cu tabata parce di no bay trece tanto actividad, por a genera yobida pisa. 

Nos ta papia di un Reino. Loke a resta di e Reino, producto di historia, ta un pais grandi y algun isla chikito di cual esnan mas interesante pa e pais grandi ta esnan dilanti Costa Venezolano. Con interesante e tres islanan chikito aki ta pa paisnan grandi, historia ta demostra. Nan ta manera un capricho di naturaleza, cu kier a pone tres isla, sin ningun rikeza den suelo y hasta incapaz pa percura pa su propio cuminda, na un luga cu a haci nan sumamente importante pa paisnan poderoso.

Segun a worde anuncia dia 24 di Juni, Mr. Robert Pietersz lo cuminza actua como Procurador General Ad Interim di Aruba. Esey ta nifica cu e siman aki, durante seis luna, Aruba lo conoce un situacion special cu a worde crea pa un caso cu un funcionario halto por ehempel bira hopi malo, pero ta worde usa pa e hecho cu durante mas cu un aña, Theresa y Rudy Croes no por a regla Theresa su pensiun. 

E fin di siman aki ta sumamente importante pa Aruba. Jorg ta despedi mientras otro siman un Procurador General Interino lo tuma mando den loke a resta di Ministerio Publico, cu mester ta e alma di moral di un pais. Ta e calidad di Ministerio Publico ta determina kico ta bira permisibel na un pais y esey ta nifica, si un pais ta cay completamente den un decadencia moral of ta lanta para cu respet pa e normanan, balornan y principio cu ta necesario pa un comunidad sano. 

Diasabra y Diadomingo ta dianan cu hende mester evita aeropuerto. Despues di merdia, cantidad di avion ta baha pa busca y trece turista. Esey ta loke ta biba den nos cabez. E realidad ta otro. Pa prome bez den decadanan, por topa cu un pista bashi na aeropuerto, caminda hasta trapinan electrico ta worde cendi solamente ora pasahero mester subi of baha y tin personal den vecindario. 

Tin algo cu tin mi hopi intriga. Mi ta enfatisa y sigui enfatisa e actitud di Hulanda enfrente Aruba pasobra ta di e responsabilidad Hulandes pa cumpli cu su parti di compromiso di Statuut, ta depende e bienestar di Aruba. Ademas mester realiza semper, cu Aruba tabata tin e confianza cu den constelacion di Reino su bienestar lo tabata garantisa y pesey a scohe pa Status Aparte.