E siman aki atrobe por a tende di casonan, basa riba placa cu a worde horta for di comunidad na departamento di Gobierno. Abogado General Jorg mes a yega di trece dilanti, contra cuanto ambtenaar denuncia a worde entrega pa ladronicia. E casonan cu ta bin den publicidad, ta a base di informacion cu ta ricibi pero lo ta bon pa comunidad haya un lista di e sumanan cu ta worde horta di placa cu un pueblo den problema financiero, mester entrega pa gobernacion di su pais. 

Siman pasa e comisario di polis de Witte a comenta ariba e cifranan di criminalidad di aña 2007. Ta resulta cu criminalidad a aumenta cu 11 % y e robonan ta un parti grandi di e crimennan cu a worde registra. Esaki ta coincidi cu e cifra di inflacion cu Aruba a conoce pa prome biaha den historia cu a pasa 10 % na aña 2007. 

Recientemente un hoben di 12 aña a desaparece. Despues di varios dia a worde anuncia cu a haye y e tabata sano y salvo. Un informe mas di e tantisimo cu ta drenta. Mi pregunta ta: ta normal cu un mucha di 12 aña ta desaparece y ta bolbe? Segun cultura di Aruba, un mucha di 12 aña ta mucha. Kico a pasa cu e mucha durante e dianan cu nan tabata buske? 

Un tata di famia, cu enbez di bay hiba placa pa su famia, ta dicidi di pasa anochi den rumshop pa despues bay bisa su señora cu nan a horta su placa, no tin vision. E no ta mira cu pasobra el a abusa di su deber enfrente su famia, nan no por come y su yiu cu ya ta riba mal caminda lo bay bende mas droga pa trece placa cas. E no por tin vision, pasobra e no ta honesto. El a sconde berdad y a gaña su famia pa asina e por a deshaci di nan pan. 

For di tempo cu Gabinete Eman I, como parti di e plan pa rescata Aruba, mester a cambia trafico na Playa, aparentemente no tabata tin planificacion mas. Gobierno Oduber a supla ballon pa mustra con e ta rementa den cara di Aruba, manera un advertencia na Aruba, kico e ta bay haci cu Aruba. Mas ainda ora Rudy a pone cielo habri, pero a dicidi di bandona campo pa e bay bira capitalista di Playa. 

Desaroyonan politico, economico, financiero, ta motibo pa preocupacion internacional. Riba tereno politico por mira un perdida di forza di diferente pais cu antes tabata firme enfrente desaroyonan internacional, pero awor a bandona tal puesto. Esey ta haci cu Gobiernonan cu tendencianan dictatorial entre otro, ta haya mas forza.

Shakespeare mes a bisa: “To be or not to be, that’s the question”....Kende por a kere? Parlamento tin un Comision, cu ta ocupa su mes cu e Constitucion di Aruba. Awor e Comision aki ta bay atende e peticion di Gobierno pa kita e funcion di Staatssecretaris y con ta uni Ministerionan bau un Ministro. Increibel, pero berdad. 

Si tabata posibel pa el a leza e rubrica aki, lo el a cuminza hari. Lo el a mira tur loke ta agradabel den dje y lubida e motibo tristo cu a origina e edicion di awe di e columna aki. Un aña pasa, el a bin Aruba pa despedi como Presidente di Corte di Husticia. El a entrega e puesto importante pa asumi e trabao di Huez reemplazante y sigui traha riba proyectonan, cu mester a termina. Cuanto hende ta entrega e funcion maximo pa despues sigui traha sin e titulo di honor? Mr. Ing. Luis de Lannoy a hacie, pasobra e no tabata homber di funcion ni titulo.