Pa compronde e falta di confianza cu tin na Aruba ora ta papia di nos ministerio publico ta necesario pa repasa e actonan di nos procurador generalnan y e fiscalnan trahando bao di nan. Siman pasa nos a duna e relato di e personanan cu a entrega na procurador general Theresa Croes e checknan cu cual nan a kere di a cumpra e permisonan di trabao cu nan tabatin mester di e ministro di husticia su hendenan.

Den e dianan aki atrobe Ministerio |Publico ta den noticia cu cosnan straño cu ta sosode. Den siman e polis cu a worde gedal door di Hendrik Croes a bira sospechoso y Hendrik cu a dal e polis y sigui cora a bira e pober victima.

Awe e discusion di e aumento barbaro di prijs di petroleo ta pone tur hende haci e pregunta si e aumento aki a cay for di cielo sin cu ningun di nos experto a mira cu e ta bin y por a tuma pasonan pa minimaliza e efecto cu e a bay tin ariba e costo di bida di nos pais. Aki Diario den varios ocasion a trece padilanti cu berdad e aumento di petroleo tin un efecto ariba costo di bida na Aruba tambe pero e no ta loke e gobierno di MEP kier pa nos kere. Pasobra si mira bon e inflacion aki na Aruba ta tres biaha mas halto cu Merca y Curaçao mientras nan tin e mesun problema di prijs di crudo.

Algo cu no ta paga BBO ariba, ta cortina di huma. No ta posibel tampoco pasobra Gobierno mester di cortina di huma pa sobrebibi. Ora asuntonan serio presenta na un pais, Gobierno ta crea su cortina di huma, tras di cual e ta sconde su mes.

Boca grandi nan tin. Ta nan ta esnan cu a defende e causa Arubano y ta nan ta esnan cu lo salba Aruba di corupcion. Pesey awe cu Huez ta prepara pa bay atende pro forma e caso di Maiky Farro, cu ta worde acusa di a horta den Laboratorio, mester pidi Nico Jorg y Rudy Lampe pa bay dilanti den e fila di acusadornan di corupcion. 

Kico Rudy Lampe tin na bista, nunca hende sa. Un cos ta sigur, e ta sirbi su proposito cu e so a conoce for di momento cu el a bolbe Aruba. Ta bon pa Rudy Lampe comprende, cu un grupo creciente na Aruba ta realiza cu si politica di Aruba conoce un hende cu mester tene bon na bista, ta Rudy Lampe! 

Situacion a bruha mal bruha. Antes tabata asina cu ta tempo di Carnaval, tur hende tabata bisti nanishi falso pa pone hende hari. Awor ta den temporada di horcan, di un situacion di tempestad grandi cu ta zink Aruba, situacionnan pa hari ta presenta. 

Pa por comprende Rudy Lampe, mester comprende su filosofia di Filosofia di Teologia, cu na cantidad di pais autoridad tin problema cune. Pasobra nan ta e grupo cu ta tira piedra, sconde man, pa despues manera bichi ta bira barbulet, bira martir di loke nan mes a ocasiona. Na Mexico por ehempel, un pais devoto, autoridad no ta haci wega cu e practicanan di e filosofia aki, cu a haya un imagen bibo na Aruba den Rudy Lampe, cu a dirigi rebelion pa shoco pa MEP pa ora e mester a responsabilisa su mes pa situacionnan agresivo, a bay sconde tras di religion.