No tin mas ciego cu esun cu no kier mira y no tin mas surdo cu esun cu no kier tende. Esaki ta un hecho indiscutible y cu nos ta mira e fenomeno aki den nos bida diario dentro di nos propio circulonan di famia of conocirnan. Tambe nos ta mira e fenomeno aki manifesta su mes den circulonan social y lamentablemente tambe den circulonan politico y gubernamental. Si, e berdad ta asina grandi dilanti di nos wowo cu tin di nos no ta mire pasobra nos kier mira rond di dje.

Awor ta e momento pa gremionan y ciudadanonan mustra Gobierno cu nan no ta sinta riba banki, spera e momento cu Gobierno no por mas, y pidi nan yuda Gobierno saca e baca cu Gobierno a hoga den poz. E hecho cu awor Gobierno ta forma un comision pa mira con ta haci cu AZV, no tin nomber y solamente ta demostra mas falta di capacidad di parti di esnan cu ta yama nan mes gobernante.
Gobierno y AZV mester tin berguenza di loke ta pasa.

Si Aruba mester spera un aña mas pa eleccion salbe di e gara di loke el a vota pe durante eleccion di 2005, no ta resta mucho di Aruba. Ta increibel cu awor den Parlamento ta surgi un escandalo, cu Parlamento como representacion maximo di pueblo mester evita y mester condena. 

Loke ta pasa cu pueblo ta un abuso di marca mayor! Mientras Gobierno ta bula di un pais pa otro, como sifuera ta parha nan ta, Aruba ta confronta un crisis social, cu e no por carga mas. E sistema cu ta djis anuncia cu prijs di loke ta basico den bida di hende, a subi, no ta arogante, pero un abuso. Mas ainda pasobra no por mira seriedad den e forma cu ta maneha loke pueblo mester pa biba. 

Uno di e ilusionnan grandi cu ta biba den Reino ta, cu no tin colonialismo mas. Berdad cu politica internacional a trece cune e proceso di decolonisacion, cu a dicidi pa futuro di hopi pais. Diferente formula estatal a mira luz den e proceso aki. Independencia tabata esun mas facil, aunke den hopi caso el a resulta devastador. Mancomunidad Ingles ta otro mientras Francia a conoce Dependences d’autre mer. Hulanda a bin cu Statuut. 

Sr. Redactor, mi kier a comenta riba e Comentario cu a sali den DIARIO riba Dialuna 2 juni 2008 na pag. 26: "Na e alumna di Colegio cu no kier sa di su mayornan." 

Uno di e Ministronan Hulandes cu a fascina, ta Ministro Ernst Hirsch Balin. E tin varios titulo prome cu su nomber mes. Nan no ta impresionante manera e hobby di Ernst Hirsch Balin, cu ta goochelaar. E ta practica magia. Den hopi cos cu Hirsch Balin a haci, te momento cu un escandalo na Hulanda a pone bay un rato den e freezer politico Hulandes, pa awor e ta riba e stul Ministerial atrobe, no ta mira e gobernante, pero e goochelaar, e mago. 

ORANJESTAD (AAN): Tristo pero berdad Aruba ta pasando den e temponan mas dificil cu e a yega di conoce den decadanan. Hasta pio cu despues cu Lago a cera na aña 1984. Awe nos tin un gobernacion di MEP bao Nel Oduber cu tin nos pueblo horca. E situacion financiero fatal cu a worde crea door di e gobierno di MEP a pone cu MEP a bin cu un serie di medida cruel contra nos pueblo. Hopi di nos hendenan ta desespera pa motibo di e medidanan severo cu gobierno a pone ariba schouder di un cantidad grandi di nos mayornan cu no sa mas con pa haci pa mantene nan yiunan.