Normal ta cu loke MEP mishi cune ta daña pero hecho ta cu loke Booshi Wever mishi cune ta daña mas cu tur pasobra e consecuencia hendenan por mira tur dia. Awe nos mester laga henter e cuido medico y AZV un banda. Nos no ta papia di e desaster di dump pero si tira un bista con sushi Aruba ta awe. 

Pa sorpresa di henter nos comunidad medionan di comunicacion a informa cu e polis Maduro cu Hendrik Croes a dal cu su auto algun siman pasa Diahuebs awor ta worde interoga como sospechoso den e caso di hit and run aki. LandsRecherche asina e informacion ta, a manda yama polis Maduro pa bin worde interoga como sospechoso di loke a sosode cune. Mundo ariba su cabez loke por na Aruba bao di MEP so. 

Cu Hulanda no por mete den asuntonan di maneho diario di e pais, tur hende cu sa algo di areglonan den Reino, ta di acuerdo cune. Pero esey no ta haci cu Hulanda no por duna por ta mas honesto cu pueblo di Aruba y kibra e wega cu ta worde hunga cu e pais. 

Aruba ta un pueblo cu a lucha. E ta un pueblo di causanan grandi, idealnan enorme, perseveranza y determinacion cu a haci Aruba bira ehempel pa pueblonan grandi y bira determinante den e fin di Antiyas. Ora Reino a kere cu e pueblo den miseria lo no tin un economia pa percura pa un bon base financiero y social pa e pais, Reino a worde sorprendi pa accion propio di Aruba, pa medio di Henny Eman bieu pa trece Lago Aruba.

ORANJESTAD (AAN) – Manera ta conoci ayera empleadonan publico a cobra nan salario, aunke e slip ta worde entrega te cu dialuna, segun DIARIO a worde informa. 

Anselmo tey atrobe. El a haya un topico pa tene ne y ta goza di publicidad. No cu nos tin nada contra di mira su cara de bez en cuando, pasobra asina no ta lubida pakico Aruba ta zink cu BBO. Cada bez cu mira cara di Anselmo, ta mira tur esnan cu a rabia pisa pasobra Gobierno kier a introduci BBO, pero a spierta pueblo pa no manifesta pasobra esey no ta e solucion, pero pa spera nan paro nacional te awe. 

Si sueldo minimo subi cu algun porciento, problemanan social no ta soluciona. Pa cuminza soluciona e problema cu Aruba ta aden actualmente, pueblo mester haya informacion kico e por spera den e e futuro mas cercano y esey ta den man di Gobierno pa splica. 

Den e rapport cu Conseho Social Economico a emiti riba e adaptacion di sueldo minimo na Aruba, ta bin dilanti cu den e organo mes no por yega na un acuerdo cu si mester adapta e ley di sueldo minimo of no. E hecho cu Ramon Lee tabata laat cu presentacion di e peticion pa pidi aumento di e sueldo minimo por worde interpreta como un gesto di pidi algo, cu bo sa cu ta fuera di regla. Si Ramon Lee no sa esey, ta con e por ta Ministro?