Durante siete aña Hendrik Croes ta den servicio di e “gran causa” pa exigi esnan cu Ministerio Publico a dicidi di persigui, debolbe pueblo su placa. Prome Hendrik Croes tabata e consehero di Comision Berdad di Rudy Lampe.

E tabata implacable, mescos cu esnan cu tabata rondone. Theresa: Ministro di Ministerio Publico. Autoridad penal maximo di e pais, hunto cu esnan cu a forma parti di su team di Ministerio Publico, a permiti un di e persecucionnan politico mas grandi cu Aruba a yega di conoce. 17 hende, bau cual dos ex Ministro y un Miembro di Parlamento, durante 7 aña largo a worde persigui manera ta persigui e criminalnan di mas grandi na un pais. 

Awor si circulo a cera. Si tur hende ta puntra nan mes ta ki dia Theresa ta bira bon pa e tuma su retiro y haya su placa di vakantie y Aruba mira con ta haci cu Ministerio Publico, awor DIARIO ta haya su mes confronta cu un documento, cu sigur ta pone mundo riba su cabez. Mientras tabata persigui 17 hende, 7 aña largo, ta resulta cu Theresa mes a viola e ley, pa cual el a persigui ex Ministronan. 

ORANJESTAD (AAN): Ora repasa loke ta sosodiendo na Aruba nos por mira cu nos tin un gobierno di MEP dirigi pa Nel Oduber cu a kibra tur record di corupcion. Den tur sentido e periodo di corupcion bao di Nel Oduber lo bay den historia como e periodo di mas malo cu Aruba a yega di conoce. Pasobra e maneho maligno y corupto di e gobierno di MEP a pone Aruba den un crisis cu ta hopi pio cu ora cu Lago a cera su portanan. 

Pronto por spera AZV presenta su pakete di medidanan. No tin placa pa cuido medico y pueblo mira con e ta hinca mas placa den AZV. Mientrastanto pueblo no ta haya ningun splicacion di parti di Gobierno kico a pasa cu e rapport Laboratorio for di 2006! 

Aruba ta uno di e poco paisnan na mundo, cu enbez di hiba un maneho cu ta pone fin na arma y droga, conoce un Gobierno cu ta proteha arma y droga. Ministro Rudy Croes, tempo cu ainda e tabata pensa di baha y a cuminza duna permiso pa bingohal cu nunca mas a tende di dje, a papia di tene un test di droga pa tur empleado publico. Nunca mas a tende di e asunto, aunke mester bisa cu ta un ilusion si pa bay haci test di droga cu empleadonan publico mientras riba caya ta mercado habri di droga tin. 

Siete siman di daño grandi haci na Aruba door di Nel Oduber y su ministronan. Siete siman a actua na un manera fresco, arogante y mentiroso pa despues di tur e miyones cu e actitud aki a costa Aruba bay di acuerdo cu e derecho di e empleadonan di gobierno.

E accionnan di ambtenaarnan ta tras di lomba. Durante simannan largo, Aruba mester a biba den un tension grandi pasobra Gobierno no por a yega na un acuerdo cu ambtenaarnan cu tabata pidi pa ahusta nan entrada.