ORANJESTAD (AAN): Patras di Tierra del Sol cerca di e mastnan di cellular cu tin DIARIO a haya notificacion di un keds masha sospechoso benta den e barancanan. Caminda esaki tabata parce cu hendenan no ta yega. 

Ainda por corda con tempo di e caso di Natalee Holloway cu net a cumpli tres aña tabata papia di keds size grandi cu posiblemente Joran van der Sloot a perde of a kita benta afor. 

E keds aki ta di marca K-Swiss. Algun persona cu a notifica DIARIO di e asunto aki a keda sorprendi di mira e keds. Sigur esnan cu a sigui e caso di cerca ta corda e famoso keds. 

Berdad DIARIO a logra haya foto tambe di e keds cual siguiente dia autoridad cu tabata investiga e caso di e hoben Americano perdi a bay busca tambe riba e barancanan pazuid di e mastnan di Antenna di Setar y Digicel cu tin na Light House. Esaki ta e foto di e keds.

Comments (0)