ORANJESTAD (AAN)--- Den e dianan aki ta di bishita na Aruba e prospecto di apenas 16 aña cu ta forma parti di seleccion hulandes den U-17. Su nomber ta Enzo Huntink. Na e momentonan aki e ta di vakantie na Aruba pero e tin un contract profesional cu S.C. Heerenveen. 

Aña pasa el a forma parti di seleccion Hulandes cu a bay Koningrijkspelen y tambe el a hinca un gol contra Aruba. Enzo ya no ta bibando cu su famia e ta totalmente interna den fasilidadnan di S.C. Heerenveen. 

E schedule di un dia den bida di Enzo ta lo siguiente: Lanta mainta tempran, train mainta pa 3 ora, 11’or mainta bay un scol special pa hungadonan, 3’or bin cas come, bay train atrobe pa 3 ora. Anochi yega cas come, hasi huiswerk y bay drumi. 

Enzo na e momentonan aki ta train 9 biaha pa siman. Prome cu el a wordo firma pa S.C. Heerenveen, e tabata pertenece na Ado Den Haag y Sparta Rotterdam.

Comments (0)