ORANJESTAD (AAN): Pa loke ta e proyecto di dump, Parlamentario Benny Sevinger a expresa cu for di dia cu e proyecto aki a inicia con a sinta sistematicamente monitorea y manipula documentonan pa duna un compania mericano, cu ta worde representa door di abogadonan di oficina di Hendrik Croes, pa duna nan e proyecto aki cu lo costa nos pueblo 56 miyon, di e dia ey, nan a bisa cu proyecto aki no ta bayendo bon. 

A señala cu decisionnan no ta worde tuma corecto y poco poco nan ta haya razon y ta mira cu e proyecto aki ta birando un disaster.
A agrega cu nan a tende Minister su reaccion un par di luna pasa, ora el a firma un contract nobo cu mester a bin parlamento, pa parlamento duna aprobacion segun nan concepto. 

E parlamentario a indica cu e aprobacion cu e minister a haya pa e contract aki di 28 miyon, el a bay parlamento y e 11 parlamentarionan di MEP a bay di acuerdo cune, pero aworaki cu ta firma un contract nobo, unda cu entre otro ta duna un exoneracion di casi un miyon di boet, y no e minister no a bay parlamento pa pidi aprobacion. 

A subraya cu e pregunta ta si e minister tin autorizacion pa duna exoneracion di casi un miyon na un compania cu no ta cumpliendo cu pueblo di Aruba. 

Benny Sevinger a expresa cu esaki ta inaceptable y incomprendible cu un compania cu ta no ta cumpliendo ta bay firma un contract nobo cune y ta regale un miyon ariba dje.

Comments (0)