ORANJESTAD (AAN) --- Tiger Taekwondo Academy kier a anuncia cu e weekend venidero nan ta organisando e “Tierra del Sol International Open Taekwondo Championship”.

Pa di nuebe aña consecutivo e torneo aki ta wordo organisa caminda Taekwondistanan di varios pais lo ta competi. Diabierna awo dia 25 di Juli lo tin training di 2 p.m. pa 4 p.m. pa tur e atletanan cu ta participando mientras cu pisamento lo ta di 6 p.m. pa 7 p.m.

E peleanan mes ta Diasabra 26 di Juli cuminsando pa 10'or di mainta. Tur esakinan lo tuma lugar na Santa Cruz den Centro Deportivo Libertador G.F. Betico Croes. Asina nos ta invita henter e pueblo di Aruba y en especial e fanaticonan di bon pelea pa bin apoya nos muchanan y alavez presencia combatenan riba un nivel hopi halto mirando e cantidad di atletanan internacional cu lo tin.

Comments (0)