|
 ORANJESTAD (AAN) --- Diabierna atardi a tuma lugar continuación di e CONCACAF U-20 Qualifying, den Compleho Deportivo Guillermo P. Trinidad cu e dos wega nan entre Surinam contra St. Kitts y Aruba contra di Dominca.
 E prome wega a termina cu store di 1-1. Esey tabata e di dos wega cu Surinam ta keda empata na 1. E delantero di St. Kitts, Kevin Benjamín ta anota e gol pa su equipo y ta sera tambe cu 3 gol na su fabor, esey ta haci cu e ta topscorer ta awor. Pa e equipo di Surinam ta anota e hungador Loswijk Donovan.
Di dos wega a bai entre e selección di Aruba contra di Dominica. E anochi ey no tabata tin hopi fanatico manera cu AVB a spera, esey ta haci cu tabata falta mas promocion pa e wega aki. Di dos wega e selección di Aruba ta bin gana e wega cu store di 1-0 riba Dominica. E hoben David Abdul ta anota e gol pa duna Aruba e victoria riba e equipo menciona.
 Diadomingo e wega nan a continua, y e dia aki tambe tabata tiin dos wega. E prome a bai entre Dominca y St. Kitts, y e otro a bai entre Aruuba contra di Surinam. Prome wega a termina cu score di 4-1 na fabor di St. Kitts & Nevis cu a keda nr:1 den e round aki. Di dos wega tabata esun cu e fanatico nan a bin presencia engrande.
Esey tabata e wega entre Surinam contra di Aruba c a keda empata na 2. Mester bisa cu esey tabata un wega cu a hala masha hop fanático di Surinam cu ta residencia aki, y a bin engrande pa apoya nan equipo preferi. E fanatico nan di Aruba a bin tambe, pero no mesun hopo cu esun nan di Surinam. Prome mitar di wega Aruba su selección a cuminsa hpi bon di yega te dilanti di gol, pero e bon defensa di Surinam ta pone nan perde e bala. Durante di e wega aki referee a saca masha hopo carchi geel mes pa tur dos equipo. E selección di Aruba so tabata tin den e prome tempo cuater carchi geel.
 Den prome minuut nan caba por a nota cu equipo di Suriname tabata hopi agresivo cu bala y tabata toka bunita rond. Na di 6 minuut Keeper Korsten di Aruba ta sali y ta bula pa domina e bala pero delantero di Suriname ta tumba Korsten fuerte abow y Refree ta duna tiro liber na Aruba.
Keeper cu a cay fuertemente ariba su lomba a wordo atendi pa masahista di Aruba pa despues por a sigi cu e partido. Suriname cu sigur tabata e equipo cu tabata pone mas presion ariba e defensa di Aruba durante prome mitad. Despues di tanto atake delantero Bebeto Odang ta wordo mal gedekt pa Tromp asina ta laga Tromp atras y ta pasa e bala bou di Keeper Korsten asina ta anota e prome pa Suriname na di 21 minuut. Sigur despues di e tremendo gol aki e muchanan di Suriname a crece ariba Aruba cu varios biaha Keeper Korsten mester a trese salbacion cu man of cu pia. Aruba e haña algun chens den prome mitad, pero no cu tabata peligroso den area penal di Suriname.
Den prome mitad nos muchanan a haña 4 carchie geel cu a bai pa Goerge Tromp, Ulises Garcia, Abdul David y Francios Croes . Pa Suriname tabata number 13 Stefan Baneti cu a haña geel den prome mitad. Den di dos mitad Aruba mayoria di biaha ta hunga mas mihor y e biaha aki no tabata differente ora cu Markwin Ignacio na di 47 min. ta haci manera cu e ta bai lora bala dilanti gol, pero ta manda e bala ariba gol cu bastante efecto y Keeper Manuel di Suriname ta logra tik e bala over di gol. Suriname a tuma control y nos defense ta pifia mahos na di 54 min. cu ta duna Donovan Loswijk di Suriname chens pa anota e Segundo gol pa Suriname cu a pone e publico grandi di Surnam baila ariba ritmo di tambor.
Aruba por poco contesta di biaha ora Albert Grovell ta kop e bala cu ta pasa raspa cu e palo di gol. Asina Suriname tambe a manda su delantero pa haci contra atake y Donavan Loswijk ta bolbe hanje su so cu keeper Korsten cu tabata tin su anochi ta trese salbacion pa Aruba atrobe. Na di 66 min.
 Renell Luydens ta wordo tumba y Aruba ta hanja tiro liber. Abdul ta bai tuma e tiro liber, pero ta pase pa Ulises Nunez cu ta manda un tiro yena cu efecto y Keeper Manuel no ta jega na e bala cu ta cay den e net pa asina Aruba ta corta ventaha 2-1. Despues di gol di Aruba e nivel di wega a subi y ambos ekiponan tabata ataka fuertemente di cual e publico sigur a disfruta di esaki.
Na di 74 min. e keeper Manuel ta bai den fout door di Sali for di area penal y ta wanta e bala cu su man. Refree di biaha ta duna Aruba e tiro liber y Keeper Manuel ta hanja su kaarchi geel. Aki e David Abdul ta para tras di bala y ta tuma e tiro liber cu hopi efecto over di muraya humano y keeper Manuel no ta hanja chens pa reaciona mes. Asina Aruba ta empata e partido y Abdul ta bai celebra cu a publico Arubano te cu Coach Munoz mester a recorde pa subi terno bek wega.
Coach Munoz a trese cambio un ta saca un defensa y ta hinca un delantero David De L’isle pa asina pusha pa e gol gol di Victoria. Na di 85 min. Stefan Baneti ta hanja su di dos geel cu ta bira cora y mester bandona tereno. Suriname cu 10 hungador asina mes tabata hopi peligroso den ultimo minuut nan y atrobe Keeper Korsten ta trese salbacion tras salbacion pa Aruba. E Partido ta termina despues di 90 minuut cu score 2-2 y e publico presente sigur a disfruta e espetaculo cu e hobennan di ambos pais a presenta.
Manera nos a menciona caba St Kitts ta na prome luga cu 7 punto di dos luga Aruba cu 4 punto, tercer luga Suriname cu 3 punto y ultimo Dominica cu un punto. St. Kitts sigur cu ta pasa pa e sigiente rond y Aruba mester warda ariba resultado di otro grupo nan cu lo wordo hunga e siman benidero. DIARIO Deportivo kier a felicita nos muchanan di Aruba cu a logra acumula 4 punto y demostra cu ta hunga cu alma y cuerpo pa representa nan Pais cu ta jama Aruba. Pabien na bosonan tur!!!
 |
