ORANJESTAD(AAN)---Den un tremendo partido di baseball Little Leagudialuna merdia den e serie Caribe cu ta tumando lugar na Bonaire, nosrepresentantenan di Aruba a sa di bay cu nan promer Victoria contra e fuerte equipo di US Virgin Islands 3 - 0. 

E hoben Randy Helgers a briya riba monticulo contra e hobennan di US Virgin Islands cu gran velocidad y dominio di su lansamentonan. 

Aruba a pone e bala bon den wega pa asina logra e caredanan necesario, esaki a manifesta su mes teniendo na cuenta cu a propina nos muchanan solamente un ponche.

Den di seis inning Randy a haya relevo di e surdo Elgomar Farro cu a sera cu broche di oro. E pitcher di US Virgin Islands a demostra tremendo velocidad, pero nos hobennan pelotero a adapta nan rapidamente na esaki pa duna e resultado desea. 

Otro equiponan cu a demostra bon baseball ta pertenece na e otro grupo cu ta Puerto Rico y Rep. Dominicana, cu a enfrenta otro promer cu e partido di Aruba y a termina 3 - 2 na fabor di e puertoriquenonan. Aruba henter por sigui e partidonan di nos representantenan atraves di e señall di Radio 1270.

Comments (0)